Awa we went, back oot in a group
Eight wis the number o’ oor wee Club troup
Doon thro’ the Culbin wi’ Dan the nature man
Wi’ the knowledge that he gies us, Ah’m his greatest fan!

Alang the forest trails we went, stoppin’ as ye do
Saw evidence o’ squirrels, and foxes by their poo
Admired a busy anthill, and whit went on inside
These craiturs mak a great job o’ the place they build tae bide

We watched the birds up in the trees and listened tae them tee
Dan kent them mainly by their song, the anes we couldna see
Chiff-chaffs, gold crests, skylarks as weel, soarin’ up sae high
Then the unmistakable cry o’ geese, in formation flying by

Mosses and lichens were part o’ oor study
Bracken fungus clingin’ tae trees
Witches’ broom that looked like nests
Ah’ve learned aboot, sae pleased!

When we made it doon tae the great sand flats
The bird life wis comin’ alive
Red shanks, oyster catchers,herons and gulls
Seekin’ food by which tae survive

We tramped along the deserted beach
O’ the sand bar, the longest in Britain
We crossed the salt marshes and back tae the wood
As an obstacle course, it wis really good!

We got tae oor cars afore 5 o’clock
A fair walk o’ twenty three k
Thank you tae Dan and Alistair
Fur gi’en us sic a great day!

Babs Kizewski